Գրատպության Թանգարան
Հայաստանի ազգային գրադարանում է գտնվում գրատպության թանգարանը, որտեղ պահվում են արժեքավոր տպագրություններ և բացառիկ ցուցանմուշներ։ Այստեղ պահվում է 1512թ-ին առաջին հայերեն տպագրված գիրքը՝ «Ուրբաթագիրքը»։
Այստեղ է գտնվում առաջին տպագիր Աստվածաշունչը, առաջին տպագիր քարտեզը՝ «Համատարած աշխարհացոյցը» , առաջին տպագիր պարբերականը՝ «Ազդարարը»։ Ցուցադրության ժամանակ կարելի է տեսնել տպագրական մեքենաներ, մամլիչ, փայտափորագիր տախտակներ, կլիշներ, մամուլի եզակի նմուշներ և այլ արժեքավոր նմուշներ։
Թանգարանը հիանալի է ոչ ֆորմալ կրթության համար, քանի որ լրացված է նոր տեխնոլոգիաներով։ Այստեղ կարելի է ծանոթանալ տպագրության եղանակների հետ հոլոգրաֆիկ սարքի միջոցով։
Թանգարանում գործում են կրթական ծրագրեր տարբեր տարիքային խմբերի համար։
Աշխատանքային օրերը՝ երեքշաբթի-կիրակի
Աշխատանքային ժամերը՝ 10:00-16:00
Էքսկուրսիաների համար գրանցվել նախապես։
Էքսկուրսիայի արժեքը հայերեն 2500 դրամ է։
Էքսկուրսիայի արժեքը ռուսերեն/անգլերեն 4000 դրամ է:
Թանգարանում առկա է թեքահարթակ։
Մուտքի տոմս - 700 դրամ
Երեխաների/ուսանողական տոմս - 400դրամ
Մինչև 12 տարեկան երեխաների մուտքն անվճար է։